A-Nil

Friday, June 6, 2014

സ്വാതന്ത്ര്യ ദിനം
കൂട്ടിലെ തത്തമ്മയ്ക്ക്
പതാക നിറം !

Independence Day--
colours of the flag
on a caged parrot

നുള്ളി നോവിയ്ക്കുന്നെൻ 

ചിന്തകളുടെ ഇടനാഴിയിൽ 

പൊടിയുന്ന ചോരയിൽ 

ഒട്ടിപ്പിടിച്ച മണൽത്തരികൾ 

നിൻ ചുംബനങ്ങൾ. 

കാത്തിരിപ്പുകളിന്ന് 

ആത്മാവ് വേറിട്ടനാഥമായ് 

മോഹം തീപ്പെട്ട കണ്ണിണകളിൽ 

എരിവുകൾ പെയ്യുന്നു 

നിൻ ചുടു നിശ്വാസം. 

കൊള്ളി വയ്ക്കുന്നു ഞാൻ 

സ്ഥിരചിത്തമില്ലാത്ത 

പ്രണയ മോഹങ്ങൾക്ക് 

മറന്നിടാം മഴനൂലുകൾ 

പുണർന്ന സായം സന്ധ്യകൾ 

മുങ്ങി നിവരട്ടെ 

നിൻ മണവും വിയർപ്പുണ്ടെൻ 

ചിതറിയകലും കിനാ-

 ചിന്തുകൾക്ക് 

പൊറുത്തിടാം ഇന്നലെകൾ 

പ്രാണനിൽ കൊത്തിവച്ചവ !

ഇലക്കീറിലെ ഉരുളയിൽ
ചിതറിയ ചെത്തിപ്പൂക്കൾ
ഈറന്‍ കാറ്റ്

ഇളം കാറ്റ്
ഉലയുന്ന റോസാപ്പൂവിതളിന്‍ തുമ്പത്ത്
ഇനിയും പൊഴിയാതെ മഞ്ഞുതുള്ളി

സ്വാതന്ത്ര്യദിനം

കൂട്ടിലെ തത്തമ്മയ്ക്ക്

പതാക നിറം

എരണ്ടകൾ പറന്നകലും വരെ
പാതി മുങ്ങി നിൽപ്പാണ്‌ സൂര്യൻ
കരയും തിരയും അനങ്ങാതെ

ചെത്തിപ്പൂവിൻ തുമ്പത്ത്

ചിറകടിച്ച് തേന്‍കുരുവി
ഒരിതൾ പോലുമടരാതെ