Haiku Aug 2012

സ്വാതന്ത്ര്യ ദിനം
കൂട്ടിലെ തത്തമ്മയ്ക്ക്
പതാക നിറം !


Independence Day--
colours of the flag
on a caged parrot

ഹൈക്കു 12/10/2013

ഇലക്കീറിലെ ഉരുളയിൽ 
ചിതറിയ ചെത്തിപ്പൂക്കൾ 
ഈറന്‍ കാറ്റ്

Haiku - Sept 2013

ഇളം കാറ്റ് 
ഉലയുന്ന റോസാപ്പൂവിതളിന്‍ തുമ്പത്ത്
ഇനിയും പൊഴിയാതെ മഞ്ഞുതുള്ളി

Haiku 2012 Aug 15

സ്വാതന്ത്ര്യദിനം 

കൂട്ടിലെ തത്തമ്മയ്ക്ക് 

പതാക നിറം 

Haiku Sept 2013

എരണ്ടകൾ പറന്നകലും വരെ 
പാതി മുങ്ങി നിൽപ്പാണ്‌ സൂര്യൻ
കരയും തിരയും അനങ്ങാതെ

Haiku Sept 2013

ചെത്തിപ്പൂവിൻ തുമ്പത്ത്

ചിറകടിച്ച് തേന്‍കുരുവി 
ഒരിതൾ പോലുമടരാതെ

Haiku June 2013

ആല്‍മരത്തണലില്‍
ലഹരി പുകച്ച് ഭിക്ഷു
ഇളകിയാടും ആലിലകൾ

ജയ ജയ ജയ ജയ ഹേ

പള്ളിക്കൂടത്തിലേയ്ക്ക് 
പിച്ചപ്പാത്രത്തിൻ ഒളിഞ്ഞു നോട്ടം
ജയ ജയ ജയ ജയ ഹേ !

കുരുന്നു മഴ

ഇടവഴിയിൽ 
കരിയില കൊലുസ്സിട്ട് 
കുരുന്നു മഴ !

പ്രണയത്തിരകൾ

ഓർ‍മ്മ കടലിൽ‍
കര കയറിയടിച്ച്
പ്രണയത്തിരകൾ!

പ്രണയപ്പൂവ്

മൌനം വളർന്ന്
പൂവിട്ടത്, വാടാത്ത
പ്രണയപ്പൂവ്!

കവിതാ വഞ്ചി

തോരാ മഴയത്ത്,
കവിതാ വഞ്ചികളായ്
നിൻ കണ്ണഴക്!

പ്രണയപ്പനി

മുറിഞ്ഞു പോയ
സ്വപ്നം, പുതപ്പിനടിയിൽ‍
പ്രണയപ്പനി!

മഴ മുത്തുകൾ

ചാറി പെയുന്ന
മഴ മുത്തുകൾ കോർ‍ത്ത്‌
ചിലന്തി കൂട്ടം!

കുസൃതി മഴ

പടിവാതിക്കൽ
കുരുന്നുകളെ കാത്ത്
കുസൃതി മഴ !

പിതൃസ്മരണ

ആണ്ട്‌ മുങ്ങി-
ഓര്‍മ്മകൾ ഓളങ്ങളായി
സ്നേഹ തലോടൽ!

വഴിപിഴച്ച വാക്കുകൾ

വഴിപിഴച്ച
വാക്കുകൾ, ചിതയൊരുക്കുന്നു
പ്രണയ സ്വപ്‌നങ്ങൾ!

മഴവിൽത്താലി

മഴവിൽത്താലി
ചാർ‍ത്തി സിന്ദൂര സന്ധ്യ
രാത്രി വാതിൽ‍ക്കൽ!

മഴവിൽ കുഞ്ഞ്

വഴിപിഴച്ച
മഴയിൽ പിറന്നൊരു
മഴവിൽ കുഞ്ഞ്!

ചെളിപ്പൂക്കൾ

മാനത്തെ മഴ-
ഇടവഴിയിൽ ചെളിപ്പൂക്കൾ
നൃത്തം വയ്ക്കുന്നു!